Maqedonasit në Berlin refuzojnë takimin me ministrin e Diasporës, Edmond Ademi

10:41 | 3 Shtator 2018
Arbresh.info

Ministri për Diasporë, Edmond Ademi, është refuzuar për takim nga Komuniteti i Kishës Maqedonase në Berlin, për shkak të mospajtimit me politikat e Qeverisë së Maqedonisë.

Ministri shqiptar nga radhët e LSDM-së ndodhet për vizitë disa ditore në Berlin të Gjermanisë, ku si qëllim ka që të shpjegojë marrëveshjen për çështjen e emrit me Greqinë, për të cilën do të votohet në referendum më 30 shtator, përcjell Telegrafi Maqedoni.

Në një letër e cila është publikuar nga Komuniteti i Kishës Maqedonase, thuhet se refuzojnë të mbajnë takim me Edmond Ademin, pasi janë njoftuar se do të flitet për tema politike ditore.

Arsye për refuzimin e takimit është edhe ajo se ministri Ademi ka dashur të promovojë dobitë e marrëveshjes me Greqinë. Sipas Kishës “Shën Klimenti i Ohrit”, marrëveshja me Greqinë është e dëmshme dhe e turpshme dhe nuk ka nevojë që të prezantohen dobitë nga ajo./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm